Ukrayna məscidlərində 44 günlük Vətən müharibəsi şəhidlərinin ruhuna dualar oxunub

Ukraynada fəaliyyət göstərən məscidlərdə 44 günlük Vətən müharibəsi şəhidlərinin əziz xatirəsi yad edilib.

Ukrayna məscidlərində Azərbaycanın ərazi bütövlüyü uğrunda canından keçmiş qəhrəmanların ruhuna dualar oxunub, vəhdət namazı qılınıb, dini ayinlər icra olunub, ölkəmizdə və bütövlükdə dünyada əbədi sülhün bərqərar olması üçün dualar edilib. Dindarlar gün ərzində qılınacaq bütün namazlarda şəhidlərimizin xatirəsini yad edəcəklər.